قۇرئان كەرىم » ئۇيغۇرچە » سۈرە نەبەئ

اختر القاريء


ئۇيغۇرچە

سۈرە نەبەئ - عدد الآيات 40
عَمَّ يَتَسَاءَلُونَ ( 1 ) نەبەئ - الآية 1
(مۇشرىكلار ئۆزئارا نېمە توغرۇلۇق) سورىشىدۇ؟
عَنِ النَّبَإِ الْعَظِيمِ ( 2 ) نەبەئ - الآية 2
ئۇلار چوڭ بىر خەۋەر (يەنى قىيامەت توغرۇلۇق) سورىشىدۇ
الَّذِي هُمْ فِيهِ مُخْتَلِفُونَ ( 3 ) نەبەئ - الآية 3
ئۇلار شۇ (يەنى قىيامەت) توغرىسىدا ئىختىلاپ قىلىشقۇچىلاردۇر
كَلَّا سَيَعْلَمُونَ ( 4 ) نەبەئ - الآية 4
ھەرگىز ئۇنداق ئەمەس (قىيامەت ئۇلارنىڭ ئويلىغىنىدەك يالغان ئەمەس)، ئۇلار (ھەقىقىي ئەھۋالنى) كەلگۈسىدە بىلىدۇ
ثُمَّ كَلَّا سَيَعْلَمُونَ ( 5 ) نەبەئ - الآية 5
ھەرگىز ئۇنداق ئەمەس، ئۇلار (بېشىغا كەلگەن ئازابنى) كەلگۈسىدە بىلىدۇ
أَلَمْ نَجْعَلِ الْأَرْضَ مِهَادًا ( 6 ) نەبەئ - الآية 6
(زېمىننىڭ ئۈستىدە مۇقىملىشىشىڭلار ۋە كەڭ تۈزلەڭلىكلەرگە زىرائەت تېرىپ پايدىلىنىشىڭلار ئۈچۈن) زېمىننى بىسات قىلمىدۇقمۇ؟
وَالْجِبَالَ أَوْتَادًا ( 7 ) نەبەئ - الآية 7
(زېمىننىڭ تەۋرەپ كەتمەسلىكى ئۈچۈن) تاغلارنى قوزۇق قىلمىدۇقمۇ؟
وَخَلَقْنَاكُمْ أَزْوَاجًا ( 8 ) نەبەئ - الآية 8
سىلەرنى ئەر - ئايال قىلىپ ياراتتۇق
وَجَعَلْنَا نَوْمَكُمْ سُبَاتًا ( 9 ) نەبەئ - الآية 9
ئۇيقۇنى سىلەرنىڭ (بەدىنىڭلار ئۈچۈن) راھەت قىلدۇق
وَجَعَلْنَا اللَّيْلَ لِبَاسًا ( 10 ) نەبەئ - الآية 10
كېچىنى لىباس قىلدۇق
وَجَعَلْنَا النَّهَارَ مَعَاشًا ( 11 ) نەبەئ - الآية 11
كۈندۈزنى (سىلەر) تىرىكچىلىك قىلىدىغان (ۋاقىت) قىلدۇق
وَبَنَيْنَا فَوْقَكُمْ سَبْعًا شِدَادًا ( 12 ) نەبەئ - الآية 12
ئۈستۈڭلاردا مۇستەھكەم يەتتە ئاسماننى بىنا قىلدۇق
وَجَعَلْنَا سِرَاجًا وَهَّاجًا ( 13 ) نەبەئ - الآية 13
(سىلەر ئۈچۈن) يېنىپ تۇرغان چىراغنى (كۈننى) ياراتتۇق
وَأَنزَلْنَا مِنَ الْمُعْصِرَاتِ مَاءً ثَجَّاجًا ( 14 ) نەبەئ - الآية 14
ئاشلىقلارنى، ئوت - چۆپلەرنى، دەرەخلىرى قويۇق باغچىلارنى ئۆستۈرۈش ئۈچۈن بۇلۇتلاردىن مول ياغدۇرۇپ بەردۇق
لِّنُخْرِجَ بِهِ حَبًّا وَنَبَاتًا ( 15 ) نەبەئ - الآية 15
ئاشلىقلارنى، ئوت - چۆپلەرنى، دەرەخلىرى قويۇق باغچىلارنى ئۆستۈرۈش ئۈچۈن بۇلۇتلاردىن مول ياغدۇرۇپ بەردۇق
وَجَنَّاتٍ أَلْفَافًا ( 16 ) نەبەئ - الآية 16
ئاشلىقلارنى، ئوت - چۆپلەرنى، دەرەخلىرى قويۇق باغچىلارنى ئۆستۈرۈش ئۈچۈن بۇلۇتلاردىن مول ياغدۇرۇپ بەردۇق
إِنَّ يَوْمَ الْفَصْلِ كَانَ مِيقَاتًا ( 17 ) نەبەئ - الآية 17
قىيامەت كۈنى ھەقىقەتەن (مۇكاپاتلاش ۋە جازالاش) ۋاقتىدۇر
يَوْمَ يُنفَخُ فِي الصُّورِ فَتَأْتُونَ أَفْوَاجًا ( 18 ) نەبەئ - الآية 18
ئۇ كۈنى سۇر چېلىنىدۇ، سىلەر توپ - توپ بولۇپ كېلىسىلەر
وَفُتِحَتِ السَّمَاءُ فَكَانَتْ أَبْوَابًا ( 19 ) نەبەئ - الآية 19
ئاسمان ئېچىلىپ نۇرغۇن ئىشىكلەر پەيدا بولىدۇ
وَسُيِّرَتِ الْجِبَالُ فَكَانَتْ سَرَابًا ( 20 ) نەبەئ - الآية 20
تاغلار ھەرىكەتلەندۈرۈلۈپ سەررابتەك بولۇپ قالىدۇ (يەنى تاغلار توزۇپ يىراقتىن قارىغۇچىغا سۇدەك تۇيۇلىدۇ)
إِنَّ جَهَنَّمَ كَانَتْ مِرْصَادًا ( 21 ) نەبەئ - الآية 21
جەھەننەم ھەقىقەتەن (كۇففارلارنى) كۈتۈپ تۇرىدۇ
لِّلطَّاغِينَ مَآبًا ( 22 ) نەبەئ - الآية 22
جەھەننەم، شۈبھىسىزكى، گۇناھكارلارنىڭ جايىدۇر
لَّابِثِينَ فِيهَا أَحْقَابًا ( 23 ) نەبەئ - الآية 23
ئۇلار جەھەننەمدە ئۇزاق مۇددەت قالىدۇ
لَّا يَذُوقُونَ فِيهَا بَرْدًا وَلَا شَرَابًا ( 24 ) نەبەئ - الآية 24
ئۇلار جەھەننەمدە (جەھەننەمنىڭ ھارارىتىنى يىنىكلىتىلگەن) بىرەر سۆرۈنلۈككە ۋە (تەشنالىقنى قاندۇرىدىغان) بىرەر ئىچىملىككە ئېرىشەلمەيدۇ
إِلَّا حَمِيمًا وَغَسَّاقًا ( 25 ) نەبەئ - الآية 25
ئۇلارنىڭ ئېرىشىدىغىنى پەقەت يۇقىرى ھارارەتلىك قايناقسۇ ۋە يىرىڭدىنلا ئىبارەت بولىدۇ
جَزَاءً وِفَاقًا ( 26 ) نەبەئ - الآية 26
بۇ (ئۇلارغا بېرىلىدىغان) مۇۋاپىق جازادۇر
إِنَّهُمْ كَانُوا لَا يَرْجُونَ حِسَابًا ( 27 ) نەبەئ - الآية 27
چۈنكى ئۇلار (قىلمىشلىرىدىن) ھېساب ئېلىنىشتىن قورقمايتتى
وَكَذَّبُوا بِآيَاتِنَا كِذَّابًا ( 28 ) نەبەئ - الآية 28
ھەمدە بىزنىڭ ئايەتلىرىمىزنى قاتتىق ئىنكار قىلاتتى
وَكُلَّ شَيْءٍ أَحْصَيْنَاهُ كِتَابًا ( 29 ) نەبەئ - الآية 29
ھەر نەرسىنى تولۇق خاتىرىلەپ قويىمىز
فَذُوقُوا فَلَن نَّزِيدَكُمْ إِلَّا عَذَابًا ( 30 ) نەبەئ - الآية 30
(ئۇلارغا ئېيتىمىزكى) «تېتىڭلار! سىلەرگە پەقەت ئازابنىلا زىيادە قىلىمىز»
إِنَّ لِلْمُتَّقِينَ مَفَازًا ( 31 ) نەبەئ - الآية 31
شۈبھىسىزكى، تەقۋادارلار نېمەتكە ئېرىشىدۇ
حَدَائِقَ وَأَعْنَابًا ( 32 ) نەبەئ - الآية 32
(ئۇ نېمەت) باغلار، ئۈزۈملەردۇر
وَكَوَاعِبَ أَتْرَابًا ( 33 ) نەبەئ - الآية 33
تەڭتۇش قىزلاردۇر
وَكَأْسًا دِهَاقًا ( 34 ) نەبەئ - الآية 34
(شاراب بىلەن) تولدۇرۇلغان جاملاردۇر
لَّا يَسْمَعُونَ فِيهَا لَغْوًا وَلَا كِذَّابًا ( 35 ) نەبەئ - الآية 35
ئۇلار جەننەتتە يالغان سۆز، بىھۇدە سۆز ئاڭلىمايدۇ
جَزَاءً مِّن رَّبِّكَ عَطَاءً حِسَابًا ( 36 ) نەبەئ - الآية 36
(ئەنە شۇلار) پەرۋەردىگارىڭنىڭ بەرگەن مۇكاپاتى، يېتەرلىك ئاتاسىدۇر
رَّبِّ السَّمَاوَاتِ وَالْأَرْضِ وَمَا بَيْنَهُمَا الرَّحْمَٰنِ ۖ لَا يَمْلِكُونَ مِنْهُ خِطَابًا ( 37 ) نەبەئ - الآية 37
ئۇ ئاسمانلارنىڭ، زېمىننىڭ ۋە ئۇلارنىڭ ئارىسىدىكى شەيئىلەرنىڭ پەرۋەردىگارىدۇر. ناھايىتى شەپقەتلىكتۇر. (ئۇ كۈندە ھېچ كىشى) ئۇنىڭغا سۆز قىلىشقا قادىر بولالمايدۇ
يَوْمَ يَقُومُ الرُّوحُ وَالْمَلَائِكَةُ صَفًّا ۖ لَّا يَتَكَلَّمُونَ إِلَّا مَنْ أَذِنَ لَهُ الرَّحْمَٰنُ وَقَالَ صَوَابًا ( 38 ) نەبەئ - الآية 38
جىبرىئىل ۋە پەرىشتىلەر سەپ بولۇپ تۇرۇپ كېتىدىغان كۈندە (يەنى قىيامەتتە)، ئۇلار (نىڭ ئارىسىدا) مېھرىبان اﷲ نىڭ ئىزنىگە ئېرىشكەن ۋە توغرا سۆزنى قىلغانلاردىن باشقا ھېچ ئەھەدىنىڭ سۆز قىلىشىغا بولمايدۇ
ذَٰلِكَ الْيَوْمُ الْحَقُّ ۖ فَمَن شَاءَ اتَّخَذَ إِلَىٰ رَبِّهِ مَآبًا ( 39 ) نەبەئ - الآية 39
ئەنە شۇ چوقۇم بولىدىغان كۈندۇر. كىمكى (ئىمان بىلەن، ياخشى ئەمەل بىلەن) پەرۋەردىگارىغا قايتىدىغان يولنى تۇتۇشنى خالىسا (تۇتسۇن)
إِنَّا أَنذَرْنَاكُمْ عَذَابًا قَرِيبًا يَوْمَ يَنظُرُ الْمَرْءُ مَا قَدَّمَتْ يَدَاهُ وَيَقُولُ الْكَافِرُ يَا لَيْتَنِي كُنتُ تُرَابًا ( 40 ) نەبەئ - الآية 40
بىز سىلەرنى ھەقىقەتەن (يۈز بېرىشى) يېقىن ئازابتىن (يەنى ئاخىرەت ئازابىدىن) ئاگاھلاندۇردۇق، ئۇ كۈندە كىشى ئىلگىرى قىلغان ئەمەللىرىنى كۆرىدۇ. كاپىر: «كاشكى مەن تۇپراق بولۇپ كەتسەمچۇ!» دەيدۇ

كىتابلار